monumenta.ch > Ambrosius > 72 > sbsMin.75.94r > bnf13013.41 > bkeCod.22.33r > sectio 789 > csg7.89 > 3 > 2 > bkeCod.32.105r > sectio 20 > bkeCod.32.59r > sectio 18 > sectio 227 > 33 > 1 > sectio 343 > bsbClm1003.287 > bnf4871.97 > bkeCod.32.159r > sectio 7 > 4 > sectio 22

Word Selection for Searching

Report an Error in this Sectio
Hieronymus, Commentarii, in Danielem, 12, 22
Et a tempore quo ablatum fuerit iuge sacrificium, et posita fuerit abominatio in desolationem, dies mille ducenti nonaginta. Hos mille ducentos nonaginta dies Porphyrius in tempore Antiochi, et in desolatione templi dicit completos, quam et Iosephus et Machabaeorum (ut diximus) liber, tribus tantum annis fuisse commemorant. Ex quo perspicuum est tres istos, et semis, annos de Antichristi dici temporibus, qui tribus et semis annis, hoc est mille ducentis nonaginta diebus, sanctos persecuturus est, et postea corruiturus in monte inclyto et sancto.